ალექსანდრე ბერდიშევი დაიბადა 1964 წელს თბილისში, საქართველოში. მისი მხატვრული კარიერა ოფიციალურად შოტლანდიაში დაიწყო. თბილისის სახელმწიფო სამხატვრო აკადემიის დამთავრების შემდეგ, მან მონაწილეობა მიიღო პოსტსადიპლომო გაცვლით პროგრამაში გლაზგოს ხელოვნების სკოლაში (Glasgow School of Art). შოტლანდიაში გამართული რამდენიმე პერსონალური და ჯგუფური გამოფენის შემდეგ, 1997 წელს ედინბურგის საერთაშორისო ფესტივალის ფარგლებში, ედინბურგის ხელოვნების სკოლამ მის მასშტაბურ შოუს უმასპინძლა. 2000 წელს მან მიიღო ჯონ მარი ტომსონის ჯილდო (John Murray Thomson Award) სამეფო შოტლანდიის აკადემიის ყოველწლიურ გამოფენაზე წარდგენილი ნამუშევრისთვის. მას შემდეგ ის მონაწილეობდა უამრავ გამოფენაში მთელ მსოფლიოში, ძირითადად საქართველოში, დიდ ბრიტანეთსა და აშშ-ში. 2022 წელს მან მონაწილეობა მიიღო ექვსი სურეალისტი მხატვრის ჯგუფურ გამოფენაში მარიეტა კობის ხელოვნების მუზეუმში (Marietta Cobb Museum of Art). 2023 წელს ატლანტაში, ევერის გალერეაში (Avery Gallery) მისი პერსონალური გამოფენა მოეწყო, 2024 წელს კი მისი ნამუშევრები ჰიუსტონში გამოიფინა. ამავე წელს თბილისში, „ვანდა არტ გალერეაში“, რომელთანაც მას ხანგრძლივი თანამშრომლობა აკავშირებს, გაიმართა მისი პერსონალური გამოფენა „მონოლოგი“.

თავის ფერწერაში ბერდიშევი აერთიანებს ფიგურულ, თუმცა ხშირად დეფორმირებულ ობიექტებს სუფთა ფორმებთან და ტექსტურულ კომპონენტებთან. ისინი თანაარსებობენ ყოველგვარი ფიზიკური თუ ლოგიკური საზღვრების მიღმა, რაც ააშკარავებს უხილავ დაძაბულობასა და მარადიულ ბრძოლას მატერიის ყველა ფორმას შორის (თუ მათ შიგნით). ეს ყველაფერი კი იმისთვისაა მიმართული, რომ ეჭვქვეშ დადგეს „ხილული რეალობის ნამდვილობა“.