ლევან ჩიჩინაძე (დბ. 1961) — ფერმწერი, სცენოგრაფი, პედაგოგი. 1986 წელს დაამთავრა თბილისის სახელმწიფო სამხატვრო აკადემიის სახვითი ხელოვნების ფაკულტეტი სცენოგრაფიის სპეციალობით (პედაგოგი ფარნაოზ ლაპიაშვილი). მას ეკუთვნის სცენოგრაფია თბილისის ახმეტელის თეატრში (სპექტაკლი თამაზ ბაძაღუას პიესის მიხედვით „ჩაუშვი ღუზა, ანგელოზო!“), კოტე მარჯანიშვილის თეატრში, ასევე „თეატრში სარდაფში“ და ილიაუნის თეატრში. მისი პერსონალური გამოფენები სხვადასხვა დროს იმართებოდა თბილისის გალერეებში — „TMS“ და „ვერნისაჟი“. ლევან ჩიჩინაძის ნამუშევრები დაცულია კერძო კოლექციებში საქართველოში, გერმანიასა და აშშ-ში. წელს მისი ნამუშევარი სამინისტრომ პირველად შეისყიდა შალვა ამირანაშვილის სახელობის ხელოვნების მუზეუმისთვის.